Тугызынчы чакырылыш Дәүләт Думасы депутатларын сайлау бюллетенендә 11 сәяси партия урын алачак.
Болар – «Бердәм Россия», КПРФ, ЛДПР, «Новые люди», «Справедливая Россия», «Яблоко», Партия пенсионеров, «Коммунисты России», «Родина», Партия прямой демократии һәм «Зеленые». Аларның исемлекләрендә барлыгы 3106 кеше күрсәтелгән. Кандидатлар Дәүләт Думасында 225 урын өчен көрәшәчәк. Бер урынга якынча 14 кеше туры килә.
Әйтергә кирәк, элеккеге белән чагыштырганда партияләр саны кимрәк: 2021 елда Думага сайлауда 14 берләшмә катнашкан. Иң кыска бюллетень (7 партия) – 2011 елда, иң озыны (43 партия) 1995 елда булган.
